Idara ya Elimu Sekondari

Idara ya Elimu Sekondari katika Halmashauri ya Wilaya ya Igunga ina jumla shule za sekondari 33 kati ya hizi, 29 ni za Serikali, 03 zinamilikiwa na taasisi za kidini, na 01 ni ya mtu binafsi. Aidha, kati ya shule 33 zilizopo wilayani Igunga shule 03 zina kidato cha tano na sita ikiwa 02  ni za Serikali  na 01 ni ya taasisi ya Dini.

Idara ya Elimu Sekondari inaundwa na vitengo vitatu katika kutekeleza majukumu yake. Vitengo hivi ni kama ifuatavyo:-

• Taaluma
• Takwimu
• Utamaduni na michezo

IDADI YA WALIMU

Idara ya Elimu Sekondari inahitaji walimu wa sekondari  670 kwa ajili ya  shule  za sekondari za serikali,  waliopo  ni 415 hivyo kuna upungufu wa walimu  255.

IDADI  YA  WANAFUNZI

Idara ya Elimu Sekondari inawanafunzi wapatao 11539 ikiwa wavulana 5671 na wasichana 5868. Aidha, katika shule za sekondari za serikali kuna wanafunzi 9436 ikiwa wavulana 4778 na wasichana 4658.  Katika shule za binafsi kuna wanafunzi 2103 ikiwa wavulana 893 na wasichana 1210.

MAJUKUMU MAKUU YA IDARA YA ELIMU SEKONDARI 

1. Kuiwakilisha Wizara ya Elimu Sayansi na Teknolojia katika Halmashauri kuhusu maswala ya Elimu ya Sekondari.
2. Kusimamia utekelezaji wa Sera ya Elimu ya Sayansi na Teknolojia.
3. Kusimamia upanuzi wa Elimu ya Sekondari katika Halmashauri.
4. Kusimamia matumizi ya fedha za Elimu ya  Sekondari na kuhakikisha zinatumika kama ilivyokusudiwa.
5. Kufutilia na kutathimini maendeleo ya Elimu ya Sekondari katika Halmashauri.
6. Kumshauri Mkurugenzi wa Halmashauri kuhusu maswala yote ya Elimu ya Sekondari.
7. Kusimamia haki na maslahi ya Walimu na Watumishi wengine walio chini ya Idara ya Elimu ya Sekondari.
8. Kuhimiza udhibiti wa nidhamu ya Walimu , Watumishi wasio Walimu na Wanafunzi wa shule zote za Sekondari katika Halmshauri.
9. Kuhakikisha kuwa shule zote za Sekondari katika Halmashauri zinainua ubora wa mazingira ya kujifunzia na kufundishia.
10. Kusimamia utekelezaji wa Mipango ya Maendeleo ya Elimu ya Sekondari.