Mipango, Takwimu na Ufuatiliaji

Idara ya Mipango, Ufuatiliaji na Takwimu ni moja ya idara za Halmashauri ya Wilaya ya Igunga. Idara ina jukumu la jumla la kuratibu shughuli za maendeleo ya kiuchumi na kijamii katika Halmashauri ili kuhakikisha kuwa utekelezaji wa shughuli hizo unaleta tija na ustawi wa jamii katika Halmashauri. Idara inaongozwa na Afisa Mipango wa Halmashauri ya Wilaya.

Idara imegawanyika katika Sehemu kuu tatu kama ifuatavyo:-

• Mipango na Sera
• Ufuatiliaji na Tathmini ya utekelezaji wa miradi ya maendeleo
• Takwimu

Majukumu mahususi ya idara ni kama ifuatavyo:-

1. Kumshauri Mkurugenzi Mtendaji wa Halmashauri ya Wilaya kuhusu masuala ya uchumi na maendeleo ya Halmahauri ya Wilaya.
2. Kuratibu uandaaji na utekelezaji  wa   Mipango  na program  za  muda mfupi, muda wa kati na muda mrefu  za Halmashauri ya Wilaya kwa kuzingatia  miongozo na maelekezo ya  Serikali ili kuhakikisha kuwa Dira ya Halmashaauri, Dhima ya Halmashauri , Malengo makuu na mahususi ya Halmashauri yanafikiwa.
3. Kuratibu ukusanyaji, kuchambuzi, kutafsiri, kuhuisha na kusambaza takwimu na taarifa za kiuchumi na kijamii za Halmashauri ya Wilaya  kwa wadau.
4. Kutafsiri sera, miongozo  na maelekezo mbalimbali yanayotolewa na wakati wa kuandaa na kutekeleza Mipango ya Maendeleo ya Halmashauri ya Wilaya.
5. Kuchambua, kutathmini na kupendekeza maeneo ya  kipaumbele ya kuwekeza katika sekta za uzalishaji, miundombinu, maendeleo ya jamii na utawala.
6. Kuandaa Mpango Kazi wa kila mwaka  ( Annual Action Plan ), kuufuatilia utekelezaji wake na kutoa taarifa kwa wadau wa Halmashauri ya Wilaya.
7. Kuratibu na kufuatilia  utekelezaji wa miradi ya maendeleo katika Halmashauri ya Wilaya na kuandaa taarifa ya utekelezaji wake kila robo mwaka , nusu mwaka na Mwaka mzima.
8. Kuendeleza na kusimamia shughuli za uwekezaji katika Halmashauri ya Wilaya.
9. Kuratibu shughuli za maendeleo zinazotekelezwa na wadau mbalimbali wa maendeleo katika Halmashauri ya Wilaya
10. Kuratibu maandalizi ya tafiti za upembuzi yakinifu kabla ya uwekezaji katika Halmashauri ya Wilaya.
11. Kuratibu utekelezaji wa Mpango na Bajeti ya Maendeleo katika Halmashauri ya Wilaya.
12. Kuhakikisha kuwa Mipango na Program zote za Maendeleo ya kiuchumi na kijamii katika Wilaya inalandana na Sera za kitaifa za kiuchumi na kijamii.
13. Kuhuisha na Kusimamia kanzidata ya Halmashauri ya Wilaya.
14. Kufanya mapitio ya muda mfupi, muda wa kati na muda mrefu ya hali ya kiuchumi na kijamii katika Wilaya.