Halmashauri ya Wilaya ya Igunga ina vituo 66 vya kutolea huduma za afya kwa wananchi wake, vituo hivi vinaanzia ngazi ya Wilaya ( Hospitali ya Wilaya) hadi Kijiji (Zahanati). Huduma zimekuwa zinatolewa kwa kushirikiana na wadau mbalimbali waliopo ndani ya Wilaya ambazo zimejikita katika sehemu kubwa ya Afya tiba na kinga. Vituo hivyo ni kama ifuatavyo: tunazo Hospitali 2, moja iko chini ya umiliki wa Serikali na nyingine ni Hospitali ya rufaa ya Nkinga ambayo inayomilikiwa na shirika la dini (FPCT), tunavyo vituo vya afya vitano (5) ambapo kituo kimoja cha afya kinamilikiwa na shirika la dini na 4 vinamilikiwa na serikali. Pia katika Wilaya kuna jumla ya zahanati 59, ambapo zahanati 53 ni za serikali na zahanati mbili (2) ziko chini ya umiliki wa mashirika ya dini na zahanati tatu (3) zinamilikiwa na watu binafsi na moja (1) inamilikiwa na Jumuiya ya wazazi. Aidha utoaji wa huduma za afya unatekelezwa chini ya usimamizi wa Mganga Mkuu wa Wilaya kwa kuzingatia miongozo na taratibu mbalimbali zinazotolewa na Wizara ya Afya Maendeleo ya Jamii Jinsia, Wazee na Watoto.
Majukumu ya Idara:
Kuandaa Mpango kabambe wa Afya wa mwaka na kutoa taarifa za utekelezaji wake
Kufanya ziara za usimamizi na ufuatiliaji wa utaoji wa huduma za afya katika vituo vyote vya kutolea huduma za afya katika Wilaya.
Kusimamia upatikanaji na usambazaji wa dawa, vifaa tiba na vitendanishi katika vituo vyote vya huduma ndani ya Wilaya
Kubuni na kutayarisha mikakati ya kuinua ubora wa huduma ya Afya.
Kusimamia watumishi wa Afya na kuhakikisha kuwa wanafanya kazi kwa kuzingatia maadili ya kazi, kanuni na miongozo mbalimbali zinazosimamia utendaji wa watumishi,
Ukaguzi wa nyumba za kuishi na majengo ya biashara kama vile nyumba za kulala wageni,majengo ya kutengeneza na kuuza vyakula ili kuondoa machukizo yanayoweza kuhatarisha afya ya binadamu.
Utoaji wa elimu ya afya kwa umma kuhusu masuala mbalimbali ya afya.
Utoaji wa chanjo kwa magonjwa ya kuambukiza kwa wajawazito na watoto
Usimamizi wa afya na usalama mahala pa kazi
Usimamizi wa usafi wa Mazingira
Kusajili na kuhuisha maduka ya dawa na vipodozi, kuyafanyia ukaguzi mara kwa mara na kuhakikisha yanafuata sheria, kanuni na miongozo inayosimamia uanzishaji na uwepo wa maduka hayo
Kuratibu huduma za kuzuia maambukizi ya Virusi vya Ukimwi na UKIMWI zinazohusiana tiba katika Wilaya
Kusimamia masuala ya lishe bora sambamba na umuhimu wa upimaji wa afya mara kwa mara ili kujua hali lishe kwa watoto na kwa kinamama ndani ya Wilaya.
Kusimamia programu za kushawishi, kutetea na kulinda haki za makundi maalum yakiwemo ya watu wenye ulemavu; wazee na wasiojiweza; familia zenye dhiki; na watoto wanaoishi katika mazingira hatarishi.
Kufanya tathmini, ufuatiliaji na uratibu wa huduma za ustawi wa jamii Wilayani
